festa_republica_galega

Verbas a Xermolos dos organizadores da Festa da República Galega

De Guitiriz a Compostela, da Laracha a Numide, de Arteijo a Boimorto. A Festa da República Galega nom seria possível sem todas essas formiguinhas que vides cada ano de todos os recunchos da geografia galega. E como sabemos que nom é facil faltar aos Sam Pedros que se celebram por ai adiante nesse mesmo dia, acordou-nos agradecervo-lo dando a conhecer um pouquinho mais as maravilhosas iniciativas de todas quantas nos vides acompanhando nestas ediçons. Começamos com a associaçom cultural Xermolos, de Guitiriz, os mais fieis e madrugadores de todos os nossos colaboradores, que num 27 de junho de 2010 (e de ai em diante) se torrárom ao inclemente sol de Queijas só para que puderamos desfrutar dos seus livros e as suas publicaçons. Estám detrás do Festival de Pardinhas, mas a cousa nom remate ai! Botade-lhe um olho à sua página e conheceredes a Casa das Artes, a Casa das Palavras, as suas publicaçons sobre recuperaçom da memória (e muito mais), o certame Terra Cha, e dúzias de iniciativas mais. Longa vida, xermolos e xermolas!

 <https://www.facebook.com/festadarepublicagalega>