- Detalles
- Escrito por Super User
- Categoría: Pardiñas 2010
- Visto: 495
O que ten Pardiñas
Foi coma unha marea que nos foi levando e mecendo, coma quen non quere a cousa, ata volvernos, transformados, ó terrón de sempre… Sentín aquelas palabras do poeta Manuel María, sobre esta comarca: “é un mar en calma”. Nestes días no festival de Pardiñas mergulleime nun océano de cores, formas, músicas…, descubrín, nunha marea máis, mundos insospeitados, descoñecidos ata agora, e volvín á vida de cada día, transformado, liberado de tanto peso e inercia, que fora acumulando meses atrás. A fervenza de amizade e arte que me arrastrou no festival, non me descolocou, pola contra, devolveume ás miñas orixes, ó leito da harmonía con todas as criaturas, sobre todo coas máis febles, coma tantas nenas e nenos que atopan en Pardiñas, a súa ollada do mundo, a que mide todo con cores, calor e luz.
Un devoto de Pardiñas.
- Detalles
- Escrito por Super User
- Categoría: Pardiñas 2010
- Visto: 528
Soñamos e matinamos que todas e todos os que decidimos ir a Pardiñas, somos artistas nalgunha faciana da vida, por iso, lanzamos aos catro ventos esta consigna:
FAGAMOS PARDIÑAS MÁIS FERMOSO COAS NOSAS CORES, FORMAS, RECENDOS, OLLADAS.
Pardiñas é un océano de beleza e amizade, capaz de enchoupar todo o país, de nova enerxía…
Queremos mergullarnos neste mar, para saír da festa, transformados e máis inspirados, con novo pulo, para converter o camiño da vida de nós, nunha fervenza de emocións, sentimentos, sorpresas…
A fonte de Pardiñas, non vai esgotarse. Pola contra, vai multiplicarse e espallarse, con máis luz e unión, en miles de surtidores de augas limpas e fecundantes, que saltan ata os recunchos do mundo, máis afastados. Esta fin de semana vai ser coma unha fervenza que vai refrescarnos para toda a tempada… Un chapuzón tan poderoso no balneario, vai reforzar a nosa saúde coma festeiras e festeiros, pero tamén a saúde de todo o colectivo, grazas a este baño na nai natureza.
Queremos incentivar aínda máis a participación no Festival, con plataformas para espertar os recursos e sensibilidades dos asistentes, nun Festival que naceu como unha festa viva e dinámica, na que teñen espazo todas as artes.
Buscamos a implicación de todas e de todos, máis ca espectacularidade pasiva na que rematan moitos acontecementos musicais. Isto supón un esforzo engadido de organización e atención nos dous días do Festival, antes e despois.
FAGAMOS PARDIÑAS MÁIS FERMOSO COAS NOSAS CORES, FORMAS, RECENDOS, OLLADAS.
Na liña do Festival, “Feira e Festa da Música e da Arte”, a Asociación Xermolos, quere arrequecer coa creatividade e a participación este acontecemento cultural, fronte á masificación. Queremos que todas e todos os que imos de troula ao Festival, deixemos a nosa pegada nestes días de festa, co noso xeito de ver a vida. Así, podemos compartir o maxín, as mañas e habelencias, a arte de todas e todos
- Detalles
- Escrito por Super User
- Categoría: Pardiñas 2010
- Visto: 569
XXXI FESTIVAL DE PARDIÑAS
SABADO 7 DE AGOSTO
 |
BELLÓN MACEIRAS QUINTETO (GALIZA) 22:00h |
 |
ÄL JAWALA (ALEMANIA) 23:30h |
 |
CANTECA DE MACAO (MADRID) 01:00h |
 |
GALEGOZ (GALIZA) 03:00h |
 |
CÉ ORQUESTRA PANTASMA (GALIZA) 12:00h é as 170:30h |
 |
PELEPAU (GALIZA) 13:30 é as 20:00 |
 |
PABLO SEOANE (GALIZA) 20:30h |
 |
XOSÉ MANUEL BUDIÑO (GALIZA) 22:00h |
 |
ALALÉ (IRLANDA) 00:00h |
 |
GÜINTERVAN (GALIZA) 01:30h |
- Detalles
- Escrito por Super User
- Categoría: Pardiñas 2010
- Visto: 460
Os membros de Xermolos: Pili Cruz, Claudia Miragaya, Alfonso Blanco, Pedro de Teixeiro e Sandro Otero, recibidos polo Xefe Territorial de Cultura e Turismo, no Salón Muralla da Xunta para facer a presentacion.
- Detalles
- Escrito por Super User
- Categoría: Pardiñas 2010
- Visto: 555
